شباب فرسان / يوم للمسنين
على النيل
إن شاء الله يوم الجمعة
18/3/2011 هيكون عندنا إحتفالية بيوم المسنين ... ومش هنقول يوم الأم بس
... لكن هنقول المسنين ككل ... لأن اللى الأم حاسة بيه الأب كمان حاسس بيه
هيكون معانا بأمر الله دارين أو أكثر من دور المسنين تقريباً عددهم هيكون
50 أم وأب. إحتفاليتنا هتكون فى نادى نقابة المهندسين بالزمالك شارع أبو
الفدا ومش هتكون أى إحتفالية دى بنستناها من السنه للسنه زى ما هما كمان
بيستنوها معانا.
بس المره دى مختلفة عارفين ليه؟؟ عشان هما محدش بقى يسأل عنهم زى
الأول...حتى إحنا ولا حد بقى يزورهم زى الأول ولا خرجو من زمااااااان.
طبعاً كلنا عارفين إنو بسبب الظروف اللى بنمر بيها دى كل واحد إنشغل عنهم
باللى عندو أو الماديات قصرت معاه بس بفضل ربنا كل ده مش هيكون مشكله طالما
عندنا عزيمة وحب لعمل الخير.
إن شاء الله عايزين يومنا يبقى سبب فى سعادتهم وفرحتهم هنبتدى اليوم
بتجميعهم من أماكنهم ... وينتهى برده بتوديعهم فى أماكنهم يعنى إحنا اللى
هنروحلهم نجيبهم وإحنا اللى هنروح معاهم اللى هيجى ياريت يأكد حضوره على
مسئول اليوم على رقم 0115889510 اليوم هيشمل فطار ومشروبات وغداء ورحلة
نيلية وهدايا ليهم طبعاً ياريت اللى هيقدر يشارك معانا بتكاليف أى شىء من
إحتياجاتنا يبلغنا واللى يقدر يساعدنا ويقولنا على اماكن نجيب منها
اتوبيسات بأسعار مخفضه أو مجانيه ياريت تكلفة اليوم للمسن الواحد حوالى 30
جنيه شامله (الفطار + المشروب + الغدا + الرحله + الهدية) يعنى لو ربنا يسر
لنا الأحوال وكل متطوع دفع ثمن تكلفة أب أو أم هيتم اليوم على أكمل وجه
بفضل من ربنا سبحانه وتعالى ثم بفضل تبرعكم ليهم إن شاء الله هينزل ميل
تانى بمواعيد تجمعنا وأماكن الدور اللى معانا عشان اللى هيجى فى الأتوبيسات
وهيساعد الأمهات والآباء على الركوب نسأل الله سبحانه وتعالى أن يستخدمنا
ولا يستبدلنا وأن يرزقنا الإخلاااااااااص فى العمل وأن يتقبل منا أعمالنا
وهو راض عنا وأن لا يقبض أحد منا إلا وهو على طاعته اللهم ءامين
14/03/2011